عربى
PLUS
رئيس مجلس الإدارة
د.وليد دعبس
رئيس التحرير
أيمن نور الدين

رامى صبرى يستعيد ذكرياته مع ألبومه الأول "حبيبى الأولانى"

رامى صبرى
رامى صبرى
طباعة
استعاد الفنان رامى صبرى ذكرياته مع أول ألبوم له والذى حمل عنوان "حبيبى الأولانى" ووجه الشكر لكل من شارك فى خروج هذا الألبوم للنور وذلك عبر صفحته على "الفيس".

وقال رامى :"زي اليومين دول فالصيف بردو بس من عشر سنيين، نزلي أول البوم ليا "حبيبي الأولاني" أنا فاكر اليوم ده، ده من أحلي أيام حياتي، إنك تبقي ماشي فالشارع وتسمع أول البوم ليك ومحدش عرفك لسا ولا يعرف حتي أسمك، مجهود وتعب سنيين كتير عشان ألبوم "حبيبي الأولاني" يطلع بالشكل ده، في ناس كتير بتقول أنه أحسن ألبوم أنا عملته، بس أنا بقول إن كل ألبوم وليه شكله وحالته الخاصه بيه، في ناس وقفت جنبي كتير فالألبوم ده، وفي ناس كتير بردو موقفتش جنبي".

وأضاف :" طارق العريان أول الناس اللي وقفو جنبي ساعتها أخرجلي 3 كليبات، ونزلو مع بعض، وده ساعد في نجاح الألبوم، وانتشاره بسرعه كبيرة، وكانت فكره ال 3 كليبات فكره جديدة وناس كتيرة بعد كده عملت زيها فاشكرا طارق العريان، من الناس اللي وقفت جنبي بردو صديقي الموزع الكبير طارق توكل ده أول واحد وقف جنبي شكرا طارق توكل، صديقي الشاعر وائل توفيق بردو وقف جنبي ساعتها وعمللي أحلي أغاني عمري "ألف ماشالله، مش أنا، فرجت الناس عليا" شكرا وائل توفيق، صديقي الشاعر العبقري عمر طاهر بردو وقف جنبي وعملي أحلي أغنيه حياتي وتمثلني "حبيبي الاولاني، سكتي ليه" شكرا عمر طاهر، صديقي الشاعر أحمد علي موسي بردو وقف معانا وعملي أحلي أغاني الدراما فالألبوم "لما أنت بتعمل كده فيا، لا يا قلبي" كل الأغاني دي خدت مننا واللهي مجهود بضمير كامل مالوش مقابل عشان كده الأغاني ده وبعد 10 سنيين ولسه عايشه وهتعيش مع الناس، اخيرا بشكر الجمهور اللي قدر الشغل ده، وبشكر الأستاذ المنتج الكبير محسن جابر علي نزول الألبوم معاه في هذا الوقت علي قناه مزيكا".

إرسل لصديق