عربى
PLUS
رئيس مجلس الإدارة
د.وليد دعبس
رئيس التحرير
أيمن نور الدين

نجلاء عياد تكتب .. إسمع يا شهريار

طباعة

الحلقة (الأولى)

شهريار_الوو

 شهرزاد _اهلا صباح الخير

 شهريار:مالك خييير ع الصبح ياهانم

 شهرذاد:مافيش .ولا حاجة..ولا كان فى سنة جديدة هلت علينا ولا اى حاجة

 شهريار_ايه حصل هى سنة بدايتها نكد ولا ايييييه

 شهرذاد: ممكن اعرف انت ليه مابعتليش رسالة اول ما السنة الجديدة بدأت وقلتلى كل سنة وانتى حبيبتى ودنيتى وروحى بقولك ايه ياشهريار انت شكلك مش رومانسي ولاعاطفى كدة وكويس اننا ف بداية التعارف

 شهريار_حرام عليكى الناس تبتدى اول يوم بتصبيحة حلوووة دعوة حلوة وانتى همك رسالة .نمت راحت عليا نومة ما انتى عارفة انى عندى شغل الصبح. ولانسيتى؟؟؟ اااه يازمن خليت شهريااار ينزل يشتغل ويشقى بعد ماميراث بابا راح كله اااه يازمن _

شهرذاد:اه ميراث المرحوم الملك ابوك راح ع الجوارى اللى شغال تقطع رقابيهم وبس

شهريار: عقبال ما اقطع رقبتك يامدوخة عيشتى ...الشغل ده اللى حيخلينى اعرف اجى اخطبك واتجوزك ونفتح بيت وناكل مم ده مصدر رزقى (سبحان مغير الاحوال هييييييح دنياااا) وبعدين تعالى هنا مازهقتيش من كتر النقار السنة اللى فاتت بصى انا شايف اننا كدة حلوين وطعمين خطوبة وجواز ايه ياعم حسن

 شهرذاد:حسن ده مين ؟؟

شهريار :انتى.. انا من هنا ورايح اعاملك زى حسن صاحبى اللى ف الشغل الرخم اللى بيقعد يبحلقلى ويضرب كف بكف ويضحك ويقولى بقى انت شهريار الزمان ببقى عاوز اقطع رقبته بسيف مسرور بس افتكر ان مابقاش فى غير الشغلانة دى اللى يعنى ملائمة ليا شوووية شهرذاد:نعم نعم نعم وده من ايه ده بقا ياشهرورتى قال حسن صاحبك قال

 شهريار: انا مش شايف منك انتى ايتها رومانسية شايفك حسن وبشنب كمان انتى نكددددية شهرذاد:_انت ؟؟؟اللى مش شايف ايتها رومااانسية

شهريار:ومالك بتمديها اووى كدة بتتريقى ؟؟؟

 شهرذاد_لا مش بتريق انا بسخر ياحبيبي هههههه اصل الرومانسية دى بعيدة عنك ...انت بتفكر تصحى الصبح تصبح عليا برسالة؟

شهريار:لا

 شهرذاد _بتفكر فيا اول ما بتصحى من النوم

 شهريار:طبعاااااا بفكر ف شكلك اما نتجوز وتكعبرى وساعتها حلال قطع راسك هههههه شهرذاد _ شفت اهووووه رومااانسي جدا حضرتك بص بقا ياكبير. الحياة مش بس شغل وطحن الحياة حلوة بكلمة حلوة عود نفسك عليها اعتبرنى زرعة كل ماهترويها حتنمو وترعرع...الكلمة الحلوة منك هتفرق بقية يومى اتعلموا بقا الكلمة الحلوة طبطبة على القلب من الحبيب علشان نعرف نبنى بيت كله حب وسعادة وينعكس ده على اولادها بص انا شايفة نسب الطلاق بتكترلأن من البداية الإختيار بيكون غلط ولابيفهموا بعض ولابيحسوا يعنى ايه مسئولية بيت اى اتنين بيحبوا بعض فاكرين الجواز ده انه الراجل يلاقى مراته بتطبخ وتغسل وتربى وترقص وتعمل اراجوزة كمان علشان ترضى جنابه والبنت فاكرة ان الراجل حيفسحها كل يوم ويجيبلها ورد وقصائد شعر ايوة ده مطلوب بس فى حااااجة اسمها اننا نفهم بعض من البداية علشان نقدر نتخطى اى مشكلة تقابلنا بالتفاهم فهمت قصدى

 شهريار: اه

شهرذاد:طب ايه رايك ف كلامى ياحبيبي

 شهريار: حرويكى ياحبيبتى واعتبرك زرعة ف اصيص فخار يدشدش على دماغك ف اول راس السنة

شهرذاد_اسمع ياشهريار انا وراك والزمن طويل لازم علشان حياتنا تنجح نفهم يعنى ايه مسئولية وجواز بيت وولاد ومايمنعش قبل كل ده كلمة حلوة تصبح علي حبيبتك بيها

 شهريار: عارفة يا شهرذاد انا حخليكى ترجعى تقولى سيبنى لبكرة الله يخليك اما اندددده على مسرور يقطع رقبتك تعااالى يامسروووووور

 شهرزاد:ههههههه مسرور ده ياشهرورتى ايام عز ابوك دلوقتى حتلاقيه قاعد ع الكافيه وهايص ع الفيس قوم روح شغلك ياشهرور واضرب من عربية الفول على الفطور قال مسرور قال

شهريار: انتى بتتريقى ده انا.....

 شهرذاد: استنى استنى حنكمل بعدين الله يخليك

 

 

إرسل لصديق