عربى
PLUS
رئيس مجلس الإدارة
د.وليد دعبس
رئيس التحرير
أيمن نور الدين

نشوى الشافعي تكتب .. حتى نلتقي

طباعة

سارة مستلقية على الشيزلونج تحت الشمسية ،  ممسكة بقلمها و نوتة مذكراتها ، تستمع لموسيقى مونامور، متلذذة بعصير الليمون بالنعناع المثلج ، ترقب أمواج البحرالمتلاحقة تارة ، وتعود للكتابة تارة.

يقترب عدوله من الخلف و يغمض عينيها بيديه..

عدوله: حزري فزري مين؟

 سارة: مش عارفة! ههههه عروستي؟

عدوله: مين ممكن يغلس عليك ويقطع حبل أفكارك؟

سارة: مايا ؟

عدوله: ههههه، ما اعتقدتش إن صوتي زي مايا.

يرفع يداه عن عينيها..

عدوله: بتكتبي ايه تاني يا مجنونة؟

سارة: باكتب عمايل ولادك! مذكرات عيلتنا!

عدوله: و بتكتبي ليه كل دا؟

 سارة: هيوحشوني أما يكبروا و يسيبوا البيت!

عدوله: طيب ما انا معاك، نبقى عواجيز مع بعضينا و أقولك ناوليني العكاز..

سارة (تكمل ضاحكة): وأقولك ناولني طقم السنان! هههه

عدوله: بجد.. بتكتبي كل دا ليه؟

سارة: عشان عيلتي عيلة مختلفة،  تستاهل إن الناس تعرفها!

عدولة: أنا من رأيي إنك تبطلي تكتبي و تفضحينا كل شوية!

سارة: بس أنا ياعدوله بأحب أكتب و أحكي للناس اللي حصل و اللي بيحصل.

في حياة كل أسرة سارة و عدولة و طنط لولا و اولاد عاملين مشاكل و طعم للحياة.

عدوله: ما دام مصـرّة على موقفك يبقى الأفضل إنك تعملي زي البيج براذر أو الكارداشيان

Big Brother or The Kardashian family

سارة: قصدك إيه حبيبي؟

عدوله: قصدي تكتبي قصتنا و تعمليها مسلسل بالمرة عشان يبقى صوت وصورة ، وعلى رأي المثل اللي ما يقرا الباباراتزي يتفرج 😉

سارة: طيب و الله دي حتى فكرة بنت ستين!

 

 

إرسل لصديق