عربى
PLUS
رئيس مجلس الإدارة
د.وليد دعبس
رئيس التحرير
أيمن نور الدين

هالة الدمراوي تكتب .. الجونه و المتفائلون .. الفقريون يمتنعون !

طباعة

وانتهت فاعليات مهرجان الجونه السينمائي الاول .. مابين مؤيد و مصفق له و معارض و منفسن -ما اعرفش ليه- عليه !!

انا مش قادره افهم ايه المشكله فى قيام رجل اعمال ناجح مثل نجيب ساويرس بتنظيم مهرجان فى بقعه من احلي بقاع مصر .. بل و ما المانع ان يقوم كل رجل اعمال كل يوم  بتنظيم مهرجان فنى للسينما مره او للمسرح او للاغنيه او للتليفزيون مره اخرى  !!

ما المانع فى ذلك !!!

بالطبع روج مهرجان الجونه الاول للسياحه و للفن و لسمعة مصر الثقافيه و للامن والامان و للجونه !

بالطبع مهرجان راقى و محترم و مبهج و بذل فيه كل المال و الجهد المطلوب ..

لو سيادتك مش من رواد الجونه او مش من محبي السينما او مش من المهتمين بالفن بوجه عام .. ده مش معناه يا فندم اننا هنقفل الجونه و نلغى السينما و نبطل فن .. !!

احنا فى دوله كبيره و عريقه لا يقل فنها عن امنها و ومرورها و تعليمها و مشروعاتها !

تحيه لكل رجل اعمال مصرى  يساهم فى الدعايه لمصر و التركيز عليها و التأكيد علي جمالها و أمنها و شياكة اهلها و اصالة فنها .. بالطريقه التى يختارها و يحبها !!

هو حر يا جماعه !!

 فلا يعقل ابدا انتقاد كل رجل اعمال  لانه وضع اموالا  فى مكان غير العشوائيات و المستشفيات و المدارس !!

 تحيه لنجيب ساويرس المرحب به فى اى دوله فى العالم  يشير اليها اذا اراد ان يقيم مثل هذا الحدث الثقافى الهام علي ارضها !

عموما .. مقالي اليوم يفهمه و يقدره المتفائلون .. معلهش .. الفقريون النهارده   يمتنعون و يسكتون و يختفون !

إرسل لصديق